Туркиянинг "Галатасарой" клуби марказий ҳужумчиси Виктор Осимхен жаҳон футболи грандларидан бирига кўчиб ўтмоқчи.
Журналист Филипп Кесслернинг хабарларига ишонадиган бўлсак, Осимхеннинг вакиллари унинг хизматларини Мюнхеннинг "Бавария"сига таклиф қилишган. Нигериялик футболчи "Бавария"ни буюк жамоа деб ҳисоблайди ва у ерда ўзини синаб кўрмоқчи.
Аммо немис гранди спорт директори Макс Эберль клуб Осимхеннинг хизматларига муҳтож эмаслигини дарҳол маълум қилди. Унинг номзодига "Бавария"ни англиялик ҳужумчи Харри Кейн тарк этсагина қайтишлари мумкин.
Жорий мавсумда 27 ёшли Осимхен барча мусобақаларни инобатга олган ҳолда 16та ўйинда иштирок этди ва 12та гол урди.
