Turkiyaning "Galatasaroy" klubi markaziy hujumchisi Viktor Osimxen jahon futboli grandlaridan biriga ko‘chib o‘tmoqchi.
Jurnalist Filipp Kesslerning xabarlariga ishonadigan bo‘lsak, Osimxenning vakillari uning xizmatlarini Myunxenning "Bavariya"siga taklif qilishgan. Nigeriyalik futbolchi "Bavariya"ni buyuk jamoa deb hisoblaydi va u yerda o‘zini sinab ko‘rmoqchi.
Ammo nemis grandi sport direktori Maks Eberl klub Osimxenning xizmatlariga muhtoj emasligini darhol ma’lum qildi. Uning nomzodiga "Bavariya"ni angliyalik hujumchi Xarri Keyn tark etsagina qaytishlari mumkin.
Joriy mavsumda 27 yoshli Osimxen barcha musobaqalarni inobatga olgan holda 16ta o‘yinda ishtirok etdi va 12ta gol urdi.













