"Борнмут" бош мураббийи Андони Ираола вингер Антуан Семеньонинг келажаги ҳақидаги навбатдаги саволга жавоб берди.
25 ёшли футболчи "Манчестер Сити"га ўтиш арафасида турибди, бироқ мураббийнинг сўзларига кўра, битим ҳали тузилмаган.
"Ҳеч нарса имзоланмаган. Музокаралар олиб борилмоқда, шовқинни тушунаман, аммо Антуан - бизнинг футболчимиз. Ўйлашимча, у ўз майдонимизда бўлиб ўтадиган икки ўйинда ["Арсенал" ва "Тоттенхэм"га қарши] иштирок эта олади - шунга умид қиляпмиз. Семеньо ҳақиқий профессионал ва шунчаки яхши йигит. Шубҳасиз, у жамоага ёрдам беришни хоҳлайди ва қўлидан келган барча ишни қилади," - деди Ираола матбуот анжуманида.
"Борнмут"нинг "Арсенал" билан учрашуви шанба куни, "Тоттенхэм" билан баҳс эса чоршанба кунига белгиланган.
