"Челси" 1 январь куни Энцо Маресканинг истеъфосини эълон қилиб, кўпчиликни ҳайратда қолдирди.
Италиялик мураббий қўл остидаги сўнгги ўйинда "кўклар" "Борнмут" билан дуранг қайд этганди (2:2). Мареска ўзини ёмон ҳис қилаётганини айтиб, ўйиндан кейинги матбуот анжуманида қатнашишдан бош тортди, аммо маълум бўлишича, ўша пайтда мураббий клубдаги фаолиятини давом эттирмаслигини билган. The Athletic хабарига кўра, мутахассис кийиниш хонасида футболчилар билан хайрлашмаган ҳам: у кийимларини алмаштириб, нарсаларини йиғиштирган ва футболчиларга мурожаат қилмасдан шунчаки чиқиб кетган.
"Челси"ни 2024 йилнинг ёзидан буён Энцо Мареска бошқариб келаётганди. Италиялик қўл остидаги жамоанинг асосий ютуқлари Конференциялар лигаси ва клублар ўртасидаги жаҳон чемпионатидаги ғалабалар бўлди.
