"Брайтон" ярим ҳимоячиси Карлос Балеба қишки трансфер ойнасида "Манчестер Юнайтед"га ўтмайди.

"Қизил иблислар" 21 ёшли футболчини январда сотиб олиш имкониятини жиддий кўриб чиқаётган эди, бироқ келишув деярли амалга ошмаяпти - "Брайтон" мавсум давомида хавбекни сотмайди, деб ёзади журналист Лиэлл Томас. Трансфер камида ёзгача кечиктирилди. Transfermarkt портали камерунлик футболчининг нархини 60 млн еврога баҳоламоқда. "Манчестер Юнайтед" 2026 йилда камида иккита ярим ҳимоячи билан кучайишни истамоқда.

Шунингдек, номзодлар рўйхатига Франциянинг "Лилль" клубидан 18 ёшли Аюб Буадди ва Грециянинг "Олимпиакос" клубидан 19 ёшли Христос Музакитис ҳам киритилган.