Мюнхеннинг "Бавария" клуби ва Германия терма жамоаси собиқ ярим ҳимоячиси Бастиан Швайнштайгер 2026 йилги йирик турнирлар бўйича прогнозлар берди. У АПЛ, Бундеслига, Чемпионлар Лигаси ва жаҳон чемпионати каби мусобақалар ғолибларини башорат қилди.

Швайнштайгернинг фикрича, Англия Премьер-лигасида "Арсенал" ғалаба қозонади. Бундеслигада у "Бавария"ни фаворит деб ҳисобламоқда, у шунингдек Чемпионлар Лигасида ҳам мюнхенликларга устунлик берди. 2026 йилги жаҳон чемпионатига келсак, Швайнштайгернинг фикрича, кубокни Англия терма жамоаси қўлга киритади.

Эслатиб ўтамиз, бир йил аввал Швайнштайгер Англия ва Германия чемпионларини тўғри тахмин қилганди.