"Ливерпуль" "Манчестер Юнайтед" ва "Ньюкасл Юнайтед" клублари "Уотфорд"нинг 20 ёшли қанот ҳужумчиси Отман Мамманинг ўйинларини кузатиб бормоқда. Бу ҳақда TEAMtalk хабар бермоқда.
Манбага кўра, "Уотфорд" бу қишда вингерни сотишни истамайди, аммо клуб футболчини сотишдан келадиган фойдадан воз кечиши қийин бўлади. Ёзда Чемпионшип жамоаси "Монпелье"га Мамма трансфери учун 1 миллион фунт стерлингдан камроқ тўлаганди.
Ҳужумчи жорий мавсум Чемпионшипда 10 та ўйинда иштирок этиб, 3 та гол ва 1 та голли узатмага муаллифлик қилди. Футболчининг клуб билан амалдаги меҳнат шартномаси 2029 йилнинг ёзига қадар мўлжалланган. Transfermarkt порталида келтирилган маълумотларга кўра, футболчининг бозор нархи 1,3 млн еврони ташкил этади.
