"Liverpul" "Manchester Yunayted" va "Nyukasl Yunayted" klublari "Uotford"ning 20 yoshli qanot hujumchisi Otman Mammaning o‘yinlarini kuzatib bormoqda. Bu haqda TEAMtalk xabar bermoqda.

Manbaga ko‘ra, "Uotford" bu qishda vingerni sotishni istamaydi, ammo klub futbolchini sotishdan keladigan foydadan voz kechishi qiyin bo‘ladi. Yozda Chempionship jamoasi "MonpelYE"ga Mamma transferi uchun 1 million funt sterlingdan kamroq to‘lagandi.

Hujumchi joriy mavsum Chempionshipda 10 ta o‘yinda ishtirok etib, 3 ta gol va 1 ta golli uzatmaga mualliflik qildi. Futbolchining klub bilan amaldagi mehnat shartnomasi 2029 yilning yoziga qadar mo‘ljallangan. Transfermarkt portalida keltirilgan ma’lumotlarga ko‘ra, futbolchining bozor narxi 1,3 mln yevroni tashkil etadi.