"Ливерпуль" "Манчестер Юнайтед" ва "Тоттенхэм"га қўшилиб, "Брайтон" ярим ҳимоячиси Карлос Балеба учун кураш олиб боради. 22 ёшли футболчининг эҳтимолий трансфери манфаатдор клубларга 100 млн еврога тушиши мумкин. Бу ҳақда Caught Offside хабар бермоқда.

Манбага кўра, жорий қишда бир нечта жамоалар камерунлик футболчининг трансфери бўйича сўров юборган, аммо "чайкалар" январда Балебани сотишга тайёр эмас. Бироқ, "Брайтон" келаси ёзда ярим ҳимоячининг кетишини кутмоқда.

Камерунлик футболчи 2023 йилнинг ёзидан бери "Брайтон"да ўйнамоқда. Бу вақт ичида у барча турнирларда 96 та ўйинда майдонга тушиб, тўртта гол ва иккита голли узатмани амалга оширди.

Футболчининг клуб билан амалдаги меҳнат шартномаси 2028 йилнинг ёзига қадар мўлжалланган.

Transfermarkt порталида келтирилган маълумотларга кўра, футболчининг бозор нархи 60 млн еврони ташкил этади.