"Астон Вилла" "Ливерпул"дан Харви Эллиотнинг ижарасини муддатидан олдин тўхтатмоқчи, дея хабар бермоқда The Times. Мерсисайдликлар Элиоттни МЛСнинг "Шарлотт" клубига мавсумнинг иккинчи қисмида ижарага беришга тайёр эди, аммо футболчининг ўзи бундай фикрдан воз кечди.
Эллиотнинг ёзги трансфер ойнасининг сўнгги кунида сотиб олиш шарти билан ижарага олинганидан кейин "Астон Вилла"даги даври ўзини оқламади. Бирмингем клуби 22 ёшли футболчи "Вилла"да ўйнаса, уни 35 млн фунтга сотиб олиши керак. Дастлаб, келишув аниқ бўлиб туюлди, аммо бир нечта ўйинлардан сўнг Эллиотт амалда таркибга кирмай қўйди. Унинг "Вилла"даги сўнгги ўйини 2 октябрь куни "Фейеноорд"га қарши Европа Лигаси ўйинида бўлди.
