Франциянинг "Пари Сен-Жермен" клуби Лига 1нинг 17-туридан ўрин олган "Париж" клубига қарши ўйин олдидан тиббий хулоса эълон қилди. Жамоалар 4 январь, якшанба куни Париждаги "Парк де Пренс" стадионида куч синашади.
"Ли Кан-Ин чап сон мушаклари жароҳатидан сўнг индивидуал тарзда шуғулланмоқда. Ўнг сон мушакларидан жароҳат олган Квентин Нжанту бир неча ҳафта давомида майдонга туша олмайди. Матвей Сафонов чап қўли синганидан сўнг мослаштирилган машғулот дастурини бажармоқда. Мартин Жеймс бетоб ва дам олади," - дейилади "ПСЖ" расмий сайтидаги матбуот хизмати хабарида.
