"Манчестер Юнайтед" мураббий Рубен Аморимни истеъфога чиқариш ва унинг ўрнига Энцо Мареска номзодини кўриб чиқишни режалаштирмаяпти. Бу ҳақда инсайдер Фабрицио Романо Х ижтимоий тармоғида хабар берди.
"Ушбу босқичда менга "Манчестер Юнайтед" ва Энцо Мареска ўртасида ҳеч қандай музокаралар олиб борилмаётгани ҳақида хабар беришди. "Манчестер Юнайтед" ҳамон ўз позициясида турибди, Рубен Аморимни тўлиқ қўллаб-қувватламоқда ва бу босқичда ҳеч нарсани ўзгартиришни режалаштирмаяпти," - дейди Романо.
Энцо Маресканинг келажаги "Челси"дан кетганидан кейин муҳокамаларга сабаб бўлди. Айрим хорижий ОАВда унинг Манчестернинг ҳар иккала клубига ўтиши мумкинлиги ҳақида миш-мишлар тарқала бошлади.
