"Барселона" Туриннинг "Ювентус" клуби ҳужумчиси Душан Влахович учун курашда пешқадамлик қилмоқда. Бу ҳақда La Gazzetta dello Sport нашри хабар бермоқда.

Нашр маълумотига кўра, 2026 йилнинг ёзида шартномаси тугайдиган сербиялик ҳужумчи учун "кўк-анорранглилар" фаолиятини давом эттиришнинг афзал варианти ҳисобланади. Испания гранди футболчига ҳозирги маошига яқин - йилига 12 млн евро маош беришга тайёр. Каталония клубидан ташқари Влахович атрофидаги вазиятни Мюнхеннинг "Бавария" ва "Милан" клублари кузатиб бормоқда.

Жорий мавсумда Влаҳович клуб сафида барча мусобақаларда 17 та ўйинда майдонга тушиб, 6 та гол урди ва 2 та голли узатмани амалга оширди. Миллий жамоа сафида ўтказилган еттита учрашувда форвард "гол+пас" тизими бўйича 2+1 очко тўплади.