Англия Премьер-лигаси 20-турида "Арсенал" меҳмонда "Борнмут"дан устун келди - 3:2.

Ўйинда мезбонлар 10-дақиқада ҳисобни очишди. Гол муаллифи - Эванилсон. 16-дақиқада "канонирлар" ҳимоячиси Габриэль стандарт вазиятдан сўнг мувозанатни тиклади.

Иккинчи бўлимда Деклан Райс 2 та гол урди (54, 71-дақиқаларда). Майдон эгалари 77-дақиқада Эли Жуниор Крупининг голи эвазига орадаги фарқни биттага қисқартирди.

"Арсенал" 48 очко билан турнир жадвалидаги яққол пешқадамлигини мустаҳкамлади. "Борнмут" 23 очко билан 15-поғонада.

АПЛ. 20-тур
3 январь, 22:30. Vitality (Борнмут)
Борнмут - Арсенал - 2:3
Голлар: Эванилсон, 10 (1:0). Габриэл Магальяйнс, 16 (1:1). Райс, 54 (1:2). Райс, 71 (1:3). Крупи, 77 (2:3)
Борнмут: Петрович, Трюффер, Сенеси, Хилл, Хименес, Скотт (Крупи, 74), Таверньер, Семеньо, Клюйверт (Кук, 74), Брукс (Адли, 67), Эванилсон (Энес Юнал, 74)
Арсенал: Райя, Инкапье, Габриэл Магальяйнс, Салиба, Тимбер, Райс, Субименди, Эдегор (Мерино, 80), Мартинелли (Троссар, 67), Дьекереш (Габриэл Жезус, 66), Мадуэке (Сака, 67)
Огоҳлантиришлар: Семеньо, 26. Крупи, 80. Адли, 90 - Субименди, 70