«Барселона» бош мураббийи Ханс-Дитер Флик Ла Лигада «Эспаньол»га қарши ўйинда (2:0) дарвозабон Жоан Гарсиянинг ўйинидан мамнунлигини билдирди.

«У ажойиб. Ўйлайманки, у бу ерда кўрган ва ҳис қилганларни ҳеч қачон унутмайди. Маноло (Гонсалес, «Эспаньол» мураббийи) унга ишонч берди (аввал Гарсия «Эспаньол»да тўп тепган эди). Ҳозир у биз билан ва ажойиб ўйин кўрсатди.

У жуда яхши мавсум ўтказмоқда ва ғалабанинг асосий ижодкорларидан бири бўлди. Мен у билан [ўйиндан олдин] гаплашдим, лекин у доимгидек хотиржам, ишончли ва диққатли эди – шунинг учун ҳам у шундай даражада ўйнади. Бугунги ўйинни кўринг ва унинг қанчалик муҳимлигини ўз кўзингиз билан кўрасиз. Мен унинг сафимизда эканидан хурсандман», – деди Флик.