"Лион" бош мураббийи Паулу Фонсека "Реал"дан ижарага олинган ҳужумчи Эндрикни қандай вазифада кўраётгани ҳақида гапирди.

Аввалроқ, мураббий 19 ёшли бразилияликнинг ҳозирча ҳолати яхши эмаслигини ва унинг дебюти 11 январдан олдин бўлмаслигини маълум қилганди.

"У ҳужум марказида ҳам, ўнг қанотда ҳам ҳаракат қилиши мумкин, аммо биринчи босқичда мен уни айнан ҳужумчи ролида кўряпман," - дея мутахассиснинг сўзларини келтиради RMC Sport.

11 январь куни "Лион" Франция кубогида "Лилль"га қарши баҳс олиб боради. Эндрик француз клуби сафида 2025/2026 йилги мавсум охиригача тўп тепади.