"Барселона" Ла Лига 19-турида "Эспаньол"ни мағлуб этди (2:0) ва ўзининг голлар сериясини узайтирди.
Шанба куни бўлиб ўтган дербида Ханс-Дитер Флик жамоаси ҳисобни очиши учун 86 дақиқа керак бўлди. Дастлаб Дани Ольмо ўз ҳисобига гол ёздириб қўйган бўлса, орадан 4 дақиқа ўтиб, якуний натижани Роберт Левандовски таблода қайд этди. Шу тариқа, "Барселона" Ла Лигада кетма-кет 39 ўйинда ўз ҳисобига гол ёздириб келмоқда - бу Европанинг бешта етакчи чемпионатидаги энг узоқ давом этган голли сериядир, деб ёзади Opta.
"Кўк-анорранглилар"нинг Ла Лигадаги навбатдаги ўйини 18 январь куни бўлиб ўтади - рақиб "Реал Сосьедад". Унга қадар Каталония гранди Испания Суперкубогида иштирок этади.
