Лондоннинг "Арсенал" клуби хавбеки Деклан Райс кеча АПЛ 20-туридан ўрин олган "Борнмут"га (3:2) қарши баҳсда жамоа марказий ҳужумчиси Виктор Дьёкерешнинг ўйини ҳақида фикр билдирди.
"Викторга жуда қийин бўлди, чунки уни бир вақтнинг ўзида иккита ҳимоячи қўриқлаётганди. У жамоа учун борини беради. АПЛ жамоалари ҳимоячилари унга майдонда жой бермасликка ҳаракат қилмоқда, чунки Дьёкереш дунёнинг энг яхши ҳужумчиларидан бири ҳисобланади. У бизнинг ўйинимизга катта таъсир кўрсатмоқда. Унинг ҳиссасисиз биз биринчи ўринда бўлмасдик", - дея ярим ҳимоячининг сўзларини келтиради клуб матбуот хизмати.
Дьёкереш Англия чемпионатининг жорий мавсумида 18 та ўйинда майдонга тушиб, бешта гол урди.
