Londonning "Arsenal" klubi xavbeki Deklan Rays kecha APL 20-turidan o‘rin olgan "Bornmut"ga (3:2) qarshi bahsda jamoa markaziy hujumchisi Viktor Dyokereshning o‘yini haqida fikr bildirdi.
"Viktorga juda qiyin bo‘ldi, chunki uni bir vaqtning o‘zida ikkita himoyachi qo‘riqlayotgandi. U jamoa uchun borini beradi. APL jamoalari himoyachilari unga maydonda joy bermaslikka harakat qilmoqda, chunki Dyokeresh dunyoning eng yaxshi hujumchilaridan biri hisoblanadi. U bizning o‘yinimizga katta ta’sir ko‘rsatmoqda. Uning hissasisiz biz birinchi o‘rinda bo‘lmasdik", - deya yarim himoyachining so‘zlarini keltiradi klub matbuot xizmati.
Dyokeresh Angliya chempionatining joriy mavsumida 18 ta o‘yinda maydonga tushib, beshta gol urdi.
