"Манчестер Юнайтед" жорий қишда "Галатасарой"га таянч яримҳимоячиси Мануэл Угартенинг ижарасини рад этди. Туркия гранди "қизил иблислар"га тахминан 15 млн фунт (17,2 млн евро) таклиф қилишга тайёр эди. Бу ҳақда TEAMtalk хабар бермоқда.
Манбага кўра, манкунианликлар "Галатасарой" тахминан 45 млн фунт (51,7 млн евро) таклиф қилса, 24 ёшли футболчини январда сотиб юбориш вариантини кўриб чиқиши мумкин.
Угартенинг ўзи "Манчестер Юнайтед"даги узоқ келажагига ишонмаяпти.
Жорий мавсумда футболчи барча мусобақаларда 12та ўйинда майдонга тушиб, уларда гол ура олмади. Футболчининг клуб билан меҳнат шартномаси 2029 йилнинг ёзигача мўлжалланган. Transfermarkt порталида келтирилган маълумотларга кўра, футболчининг бозор нархи 30 млн еврони ташкил этади.
