"Manchester Yunayted" joriy qishda "Galatasaroy"ga tayanch yarimhimoyachisi Manuel Ugartening ijarasini rad etdi. Turkiya grandi "qizil iblislar"ga taxminan 15 mln funt (17,2 mln yevro) taklif qilishga tayyor edi. Bu haqda TEAMtalk xabar bermoqda.
Manbaga ko‘ra, mankunianliklar "Galatasaroy" taxminan 45 mln funt (51,7 mln yevro) taklif qilsa, 24 yoshli futbolchini yanvarda sotib yuborish variantini ko‘rib chiqishi mumkin.
Ugartening o‘zi "Manchester Yunayted"dagi uzoq kelajagiga ishonmayapti.
Joriy mavsumda futbolchi barcha musobaqalarda 12ta o‘yinda maydonga tushib, ularda gol ura olmadi. Futbolchining klub bilan mehnat shartnomasi 2029 yilning yozigacha mo‘ljallangan. Transfermarkt portalida keltirilgan ma’lumotlarga ko‘ra, futbolchining bozor narxi 30 mln yevroni tashkil etadi.
