"Арсенал"нинг "Манчестер Сити" билан орадаги фарқи АПЛ 20-туридан кейин 6 очкога етди.
Микель Артета жамоаси шанба куни "Борнмут"ни мағлуб этган бўлса (3:2), "шаҳарликлар" якшанбада "Челси" билан дуранг ўйнади (1:1). "Канонирлар"да 48 очко, "Сити"да - 42. "Астон Вилла" "Ман Сити" билан бир хил очко тўплаган, аммо учинчи ўринда бормоқда.
Кучли тўртликни "Ливерпуль" (34) якунлаб берган бўлса, кейинги ўринларда "Челси" ва "Манчестер Юнайтед" (31тадан) бормоқда.














