"Бавария" ҳужумкор ярим ҳимоячиси Жамал Мусиала клуб билан янги шартнома имзолашга қарор қилгани ҳақида гапирди.
Томонлар 2025 йил февраль ойида янги беш йиллик шартнома имзоладилар.
"Мен учун "Бавария" - оила, шунинг учун шартномани 2030 йилгача узайтирдим. Фаолиятимнинг кейинги йилларини шу ерда ўтказмоқчиман. Бошқа вариантларни кўриб чиқмаганман," - дея 22 ёшли футболчининг сўзларини келтиради немис ОАВ.
Жамол Мусиала ўтган йилнинг июль ойида оёғи синганидан кейин тикланишда давом этмоқда. Мюнхенликларнинг ёш юлдузи қачон сафга қайтиши номаълумлигича қолмоқда.
