"Ливерпуль" марказий ярим ҳимоячиси Райан Гравенберх фаолиятини "Реал"да давом эттириши мумкин.
"Fichajes" нашрининг хабар беришича, "Реал" майдон марказини кучайтириш учун юқори савияли футболчи сотиб олмоқчи. Манбага кўра, "қаймоқранглилар" Гравенберх трансфери бўйича "Ливерпуль"га таклиф билан чиққан. Шунингдек, нидерландиялик футболчининг хизматларига "Барселона" ҳам қизиқиш билдирмоқда.
Жорий мавсумда 23 ёшли хавбек барча турнирларни қўшиб ҳисоблаганда 23 та учрашувда майдонга тушиб, 4 та гол урди ва 3 та голли узатмага муаллифлик қилди.
Гравенберхнинг "Ливерпуль" билан амалдаги меҳнат шартномаси 2028 йилнинг июнигача мўлжалланган.
