Нидерландия терма жамоаси ва "Манчестер Сити" ҳимоячиси Натан Аке Англия чемпионатини Италия А сериясига ўзгартириши мумкин.

Журналистлар хабарига кўра, нидерландиялик футболчининг трансферига "Милан" клуби қизиқиш билдирмоқда. Акенинг ўзи 2026 йилги жаҳон чемпионати арафасида барқарор ўйин амалиётига эга бўлиш учун клуб пропискасини ўзгартирмоқчи.

Натаннинг трансфер нархи 18 миллион еврони ташкил этади. Ҳимоячининг "шаҳарликлар" билан шартномаси 2027 йилнинг ёзида якунига этади.

Нидерландиялик футболчи Премьер-лиганинг жорий мавсумида 10 та ўйин ўтказди.