Франциялик дарвозабон Майк Меньян "Милан"да қолмоқчи. Унинг амалдаги шартномаси келаси ёзгача мўлжалланган. Томонлар уни узайтиришни узоқ вақтдан бери муҳокама қилиб келишмоқда ва ҳозирда маълум келишувларга эриша олишди, деб ёзади Corriere dello Sport.
"Милан"нинг янги таклифи беш миллион евро ва бонуслар сифатида икки миллионни ташкил этади. Шартнома 2030 йилнинг ёзига қадар имзоланади, ҳозирча майда, аммо етарлича муҳим деталлар тўлиқ келишиб олинмаган. Бу яқин орада содир бўлиши кутилмоқда.
Эслатиб ўтамиз, Меньян Италия клубида 2021 йилдан буён тўп тепиб келмоқда.
