Машҳур мураббий Фабио Капелло жаҳон чемпионатида қайси терма жамоа ғолиб чиқиш имкониятига эга деган саволга жавоб берди.
Италиялик мутахассис бир вақтнинг ўзида бир нечта терма жамоаларни санаб ўтди.
- Яхши савол. Менга Испания терма жамоаси жуда ёқади. Франция - ҳар доимгидек фаворит, уларда Мбаппе бор, аммо бошқа кўплаб кучли футболчилар ҳам бор. Шунингдек, ҳозир жуда яхши ўйин кўрсатаётган инглизлар. Кўрамиз, Анчелотти билан Бразилия терма жамоаси қандай натижа кўрсатаркин," - дея Капеллонинг сўзларини келтиради Marca.
Амалдаги жаҳон чемпиони Аргентина терма жамоаси ҳисобланади. 2026 йил ёзида жаҳон чемпионатига учта давлат - АҚШ, Канада ва Мексика мезбонлик қилади.
