"Манчестер Юнайтед" мураббийликка Оливер Гласнер номзодини кўриб чиқмоқда. The Independent хабарига кўра, клуб уни истеъфога чиқарилган Рубен Аморим ўрнига асосий номзод сифатида кўрмоқда. Гласнер айни дамда "Кристал Пэлас"ни бошқармоқда ва манкунианликларнинг янги мураббийига айланиши мумкин.
Гласнердан ташқари, ушбу лавозимга "Ипсвич" бош мураббийи Киран Маккенна ва "Челси"дан истеъфога чиқарилган Энцо Мареска ҳам даъвогарлик қилмоқда. Шунингдек, ҳозирда Германия терма жамоасини бошқараётган Юлиан Нагельсманн ҳам тайинланиши эҳтимоли йўқ эмас. "Манчестер Юнайтед" директори Кристофер Вивелл Нагельсманнинг ишини қадрлайди.
Бугун, 5 январь куни Рубен Аморимнинг ишдан бўшатилгани расман эълон қилинди.
