«Андижон» бугундан янги мавсум учун тайёргарлигини бошлади.

Дастлабки икки кун мобайнида жамоа аъзолари Тошкентда шуғулланишади ва бугунги кун режасига биноан футболчилар тренажёр залида ва майдонда шуғулландилар.

Таъкидлаш жоизки, янги шартнома имзолаган футболчилардан Раҳимжон Давронов, Жамшид Болтабоев, Ислом Тўхтахўжаев, Одил Абдумажидов, Иброҳим Йўлдошев, Ҳумоюнмирзо Иминов, Александр Андроникашвили ҳамда Неманя Чаласан жамоа ихтиёрига қўшилдилар.

Драган Черан, Игор Голбан ва Имеда Ашортиа эса жамоанинг Анталиядаги йиғинига етиб келадилар.

Табиийки, янги мавсум учун асосий тайёргарлик жараёни Туркиянинг Анталия шаҳрида бўлиб ўтади.

7 январь-18 февраль кунлари оралиғида ўтказиладиган ўқув-машғулот йиғини учта босқични ўз ичига олади.

Демак, биринчи босқич: 7-21 январь, иккинчи босқич: 24 январь - 5 февраль ҳамда учинчи босқич: 5-18 феврални ўз ичига олади.

Шунингдек, Туркияда хориж клубларига қарши 10 та ўртоқлик учрашуви режалаштирилган. Тез орада рақиблар ҳақида ҳам маълумот тақдим этамиз.