Ҳимоячи Жанлука Манчини ва ярим ҳимоячи Брайан Кристанте "Рома" билан янги узоқ муддатли шартнома имзолайди, дея хабар берди инсайдер Фабрицио Романо.
Манбага кўра, италиялик футболчилар билан ҳар икки шартнома бўйича келишувларга деярли эришилган.
29 ёшли Манчини "Рома" сафида 2020 йилнинг сентябридан буён тўп тепиб келмоқда. Унинг амалдаги шартномаси 2027 йилнинг 30 июнига қадар амал қилади. 2025/26 йилги мавсумда у 24 та ўйинда 1 та гол урди ва 1 та голли узатмани амалга оширди.
30 ёшли Кристанте 2019 йилнинг июлидан бери "Рома"да. Унинг шартномаси 2027 йилнинг 30 июнига қадар имзоланган. Ярим ҳимоячи жорий мавсум 22 та ўйинда майдонга тушиб, 1 та гол ва 1 та ассистни ўз ҳисобига ёздириб қўйди.
