Ўтган дам олиш кунлари Каталониянинг "Барселона" клуби Испания чемпионатида "Эспаньол"ни 2:0 ҳисобида мағлуб этиб, навбатдаги ғалабасини қўлга киритди.
Бу Каталония суперклуби учун Испания чемпионатидаги кетма-кет тўққизинчи ғалаба бўлди. Ушбу натижа германиялик мутахассис Ханс-Дитер Флик бошқарувидаги жамоа томонидан иккинчи бор қайд этилди.
Ўтган мавсумда ҳам "Барса" чемпионатда кетма-кет тўққизта ғалабадан иборат серия қайд этганди ва ҳозир ҳам такрорлади. Агар Испания чемпионати доирасидаги кейинги ўйинда 18 январь куни Сан-Себастьяннинг "Реал Сосьедад" жамоаси устидан каталонияликлар яна ғалаба қозонишса, бу Флик давридаги янги рекорд бўлади.
