Лондоннинг "Арсенал" клуби "Реал"га бразилиялик ҳужумчи Родриго трансфери бўйича таклиф билан чиқди.
Fichajes ва Arsenal Radar нашрлари тарқатган хабарга кўра "канонирлар" 60 миллион евролик таклиф йўллашган. "Арсенал"дагиларнинг фикрича, Родриго лойиҳанинг асосий қисми ва жамоанинг асосий юлдузига айланиши мумкин.
Аммо худди шундай таклифни "Ал-Ҳилол" ҳам берган. Саудия жамоасининг устунлиги шундаки, у футболчига кўпроқ маош таклиф қилишга тайёр.
Бу мавсумда 24 ёшли Родриго барча мусобақаларда 22та ўйинда майдонга тушиб, 2та гол урди ва 6та голга ҳаммуаллифлик қилди.
