"Реал" ўнг қанот ҳимоячиси билан шартнома имзолаши мумкин.
El Nacional хабарига кўра, "қаймоқранглилар" ярим ҳимоячиси Федерико Вальверде мадридликлар раҳбариятидан уругвайлик футболчини бу позицияда ўйнатмаслик учун ўнг қанот ҳимоячиси трансферини шу йилнинг ўзида расмийлаштиришни сўраган. Футболчи ҳимояда эмас, айнан ярим ҳимояда ўйнашни истайди. "Реал" ўнг қанотни кучайтириш учун асосий номзод сифатида "Тоттенхэм" футболчиси Педро Поррони кўрмоқда.
Порро 2023 йилда "Спортинг"дан 40 миллион евро эвазига "Тоттенхэм"га ўтганди. Унинг лондонликлар билан шартномаси 2028 йилнинг 30 июнига қадар имзоланган. Жорий мавсумда испаниялик футболчи "шпорлар" сафида 29 та ўйинда майдонга тушди ва 4 та голли узатмани амалга оширди. Transfermarkt портали Поррони 40 миллион еврога баҳоламоқда.
