"Манчестер Сити" ҳужумкор ярим ҳимоячиси Райан Шерки "Сити"нинг энг яхши тўпурари Эрлинг Холанд билан дўстона муносабатлари ҳақида гапирди.
"Эрлинг менинг ҳазиллашишни ва кўнгилхушлик қилишни ёқтиришимни дарҳол англади. Бу унинг қонида ҳам бор. Биз бир хил тўлқиндамиз. Агар майдон ташқарисида яхши мулоқот қилсак, бу ўйинда ҳам кўринади. Биз ўзаро муносабатимиздан мамнунмиз", - дея футболчининг сўзларини келтирди "Сити" матбуот хизмати.
Шерки бу мавсумда Англия Премьер-лигасида 15 та ўйинда майдонга тушди. 22 ёшли француз иккита гол урди ва еттита голли узатмани амалга оширди.
