Лондоннинг "Тоттенхэм" клуби бош мураббийи Томас Франкнинг келажаги ҳақида маълумотлар пайдо бўлди.

Журналист Бен Жейкобснинг таъкидлашича, Томас Франк қишки трансфер ойнасида раҳбарият томонидан катта қўллаб-қувватловга эга бўлади. Манбага кўра, мутахассис жорий мавсум охиригача ишлайди, шундан сўнг унинг фаолиятига баҳо берилади. Айни пайтда мураббийни ишдан бўшатиш режалаштирилмаган.

Франк жорий мавсум олдидан "Тоттенхэм"ни қабул қилди. 20 тур якунларига кўра, "шпорлар" 27 очко жамғаришга муваффақ бўлиб, турнир жадвалида 13-ўринни эгаллаб турибди.

Аввалроқ, "Тоттенхэм" Маурисио Почеттинони ортга қайтармоқчи экани ҳақида хабарлар тарқалган эди.