"Ньюкасл" ҳимоячиси Льюис Холл "Барселона" қизиқишлари доирасига тушиб қолди.
Barca Universal хабарига кўра, Каталония клуби 21 ёшли футболчини ўз сафига қўшиб олиш имкониятини кўриб чиқмоқда. "Кўк-анорранглилар"нинг фикрича, Алехандро Бальдега ҳимоянинг чап қанотида рақобатчи керак, инглиз эса универсаллиги ва ёшлиги билан ажралиб туради.
Холл "Ньюкасл"га 2024 йилнинг ёзида "Челси"дан 33 миллион евро эвазига ўтганди. Жорий мавсумда ҳимоячи барча мусобақаларда 18 та ўйинда майдонга тушиб, 1 та голли узатмани амалга оширди. Transfermarkt портали англияликни 32 миллион еврога баҳоламоқда.
