"Челси" бош мураббийи Лиам Росеньор жамоанинг ҳозирги таркиби ҳақида гапирди.
6 январь, сешанба куни "кўклар" 41 ёшли мутахассиснинг жамоага тайинланганини расман эълон қилди.
"Ажойиб истеъдодли футболчилар ва ходимлар гуруҳи билан ишлаш, майдонда ва унинг ташқарисида мустаҳкам алоқаларни ўрнатиш, шунингдек, ҳамма ўзини бирдек ҳис қиладиган ва бир мақсад сари интиладиган муҳитни яратиш имкониятидан хурсандман," - дея Росеньорнинг сўзларини келтиради клуб матбуот хизмати.
Ортда қолган 20 тур натижасига кўра, "Челси" 31 очко жамғаришга муваффақ бўлиб, Англия чемпионати турнир жадвалида бешинчи ўринда бормоқда.
