"Борнмут" клуби қанот ҳужумчиси Антуан Семеньо тез орада "Манчестер Сити" футболчисига айланади.
Журналист Дэвид Орнштейннинг таъкидлашича, Семеньо кетишидан олдинги сўнгги ўйинини чоршанба куни "Тоттенхэм"га қарши ўтказади. Ўйиндан кейин вингернинг "Манчестер Сити"га ўтиши бўйича битим ёпилиши кутилмоқда.
Англия премьер-лигасининг жорий мавсумида Семеньо 19 та учрашувда қатнашиб, 9 марта рақиблар дарвозасини ишғол қилди ва 3 та голли узатмани амалга оширди.
АПЛ 21-туридан ўрин олган "Борнмут" - "Тоттенхэм" учрашуви 7 январь куни бўлиб ўтади.













