Мадриднинг "Реал" клуби юлдуз ҳужумчиси Винисиус Жуниор "Бетис"га қарши кечган учрашувда жамоадошлари унга кам тўп узатишаётганидан норозилигини билдирди. Бу ҳақда у жамоа бош мураббийи Хаби Алонсога маълум қилди.
"Улар менга пас беришлари керак. Ҳамма ўзи алдамоқчи бўлади, лекин мухлислар фақат менга ҳуштак чалишади. Гонсалога айтинг, у ҳеч бўлмаганда вақти-вақти билан менга пас бериб турсин," - дея бразилияликнинг сўзларини келтиради Marca газетаси.
Эслатиб ўтамиз, учрашув Мадрид грандининг 5:1 ҳисобидаги йирик ғалабаси билан якунланди.
Испания чемпионатининг жорий мавсумида Винисиус 19 та ўйин ўтказди. Ҳужумчи бешта гол ва бешта голли узатма муаллифи бўлди.
