Madridning "Real" klubi yulduz hujumchisi Vinisius Junior "Betis"ga qarshi kechgan uchrashuvda jamoadoshlari unga kam to‘p uzatishayotganidan noroziligini bildirdi. Bu haqda u jamoa bosh murabbiyi Xabi Alonsoga ma’lum qildi.
"Ular menga pas berishlari kerak. Hamma o‘zi aldamoqchi bo‘ladi, lekin muxlislar faqat menga hushtak chalishadi. Gonsaloga ayting, u hech bo‘lmaganda vaqti-vaqti bilan menga pas berib tursin," - deya braziliyalikning so‘zlarini keltiradi Marca gazetasi.
Eslatib o‘tamiz, uchrashuv Madrid grandining 5:1 hisobidagi yirik g‘alabasi bilan yakunlandi.
Ispaniya chempionatining joriy mavsumida Vinisius 19 ta o‘yin o‘tkazdi. Hujumchi beshta gol va beshta golli uzatma muallifi bo‘ldi.
