Лондоннинг "Челси" клуби собиқ футболчиси Крис Саттон "аристократлар" бош мураббийи лавозимига Лиам Росеньор тайинлангани ҳақида фикр билдирди.
"Умид қиламизки, бу тайинлов Росеньорнинг фаолиятига салбий таъсир кўрсатмайди. Чунки "Челси" ҳозир ўзини клуб сифатида тушунарсиз кўрсатмоқда. Уларнинг мақсади нима, нимани ютмоқчи? Абрамович даврида бошқача бўлган, ўшанда жамоа чемпионлик учун курашган. Ҳозир мен буни кўрмаяпман," - дея Саттоннинг сўзларини келтиради BBC.
Англия Премьер-лигасининг 20-туридан кейин "Челси" ҳисобида 31 очко мавжуд. Лондон жамоаси турнир жадвалида бешинчи ўринда бормоқда.
