"Манчестер Сити" бош мураббийи Пеп Гвардиола "Манчестер Юнайтед"дан истеъфога чиқарилган Рубен Аморим ҳақида гапирди.
"Рубен Аморим - топ-мураббий. Қўшниларимиз шундай қарорга келишди. Аммо Рубенга келажакда энг яхши тилакларни тилайман," - деди мутахассис.
Гвардиола Ла Лига ва Бундеслигадаги фаолиятига нисбатан АПЛда мураббийларга босим бўлаётгани ҳақида ҳам гапирди.
"Ўхшаш ҳолатлар. Агар ғалаба қозонмасанг, хавфсиз ҳолатда бўладиган лига йўқ. Агар натижа бўлмаса, ҳеч қандай аҳамиятга эга эмас. Мураббийлар ғоялари учун тайинланади, натижалари учун эса ишдан олинади. Баъзан вақт керак бўлади.
Ўтган ўйинда "Манчестер Юнайтед" таркибида кўплаб футболчилар йўқ эди - баъзида бундай футболчиларсиз уддалаш қийин. Муҳим футболчилар ўйнамаса, доим қийин бўлади," - деди Гвардиола.
