"Борнмут" бош мураббийи Андони Ираола жамоа ҳужумчиси Антуан Семеньонинг кетиши ҳақида гапирди. Эртага, 7 январь куни "Борнмут" Англия чемпионатининг 21-турида "Тоттенхэм"га қарши баҳс олиб боради.
"Менимча, бу унинг сўнгги ўйини бўлиши мумкин. Эртага ёки кейинги икки-уч кун ичида нима бўлишини билмайман... Лекин менимча, бу унинг сўнгги ўйини бўлиши мумкин. Бу менинг шахсий фикрим, лекин ҳеч нарса келишилмаган ва имзоланмаган," - дея Ираоланинг сўзларини келтиради журналист Бен Жейкобс Х ижтимоий тармоғида.
Аввалроқ, "Манчестер Сити" Антуан Семеньонинг "Бормут" билан шартномасида кўрсатилган 65 млн фунт (74,8 млн евро) миқдоридаги товон пулини тўлаши хабар қилинганди.
