"Барселона" дарвозабони Марк-Андре тер Штеген "Атлетик"ка қарши Испания Суперкубоги ярим финалида жамоага ёрдам бера олмайди, деб хабар беради Sport.es. 33 ёшли немис машғулотларда жароҳат олди.
Дарвозабон тез орада тиббий кўрикдан ўтади, шундан сўнг тикланиш муддатлари маълум бўлади. Манбага кўра, жароҳат футболчининг шу ҳафта эълон қилинган "Жирона"га ижара асосида ўтишига таъсир қилиши мумкин.
Тер Штеген бу мавсумда фақат битта ўйинда (Испания Кубогида "Гвадалахара"га қарши) майдонга тушди, чунки у жароҳат туфайли кўп ўйинларни ўтказиб юборди.
"Барселона" - "Атлетик" учрашуви 7 январь, чоршанба куни бўлиб ўтади ва Тошкент вақти билан 23:59да бошланади.
