"Манчестер Сити" бош мураббийи Хосеп Гвардиола жамоанинг жорий мавсумдаги ўйинига баҳо берди.
"Шаҳарликлар" 20-турда "Челси" билан ўйинда ғалабани қўлдан чиқарди (1:1). Премьер-лига турнир жадвалида пешқадам "Арсенал" билан орадаги фарқ 6 очкони ташкил этмоқда, бироқ Гвардиола натижалардан мамнун.
"Мавсум қандай ўтяпти? Жуда яхши, жуда яхши, жуда яхши. Футболчилардан ҳеч қандай шикоятим йўқ. Бутунлай аксинча. Ўтган мавсум билан таққослайдиган бўлсак, ҳозир ҳаммаси бутунлай бошқача," - дея Гвардиоланинг сўзларини келтиради Hayters ТВ.
Бугун "Манчестер Сити" "Брайтон"га қарши баҳс олиб боради.
