Италиялик нуфузли журналист Жанлука ди Марцио "Милан" франциялик дарвозабон Майк Меньян билан шартномани узайтириш бўйича музокараларда муваффақият қозонганини тасдиқлади. Унинг сўзларига кўра, томонлар ҳар қачонгидан ҳам келишувга яқин.
"Томонлар келишувга ҳар қачонгидан ҳам яқинроқ. Катта эҳтимол билан шартнома 2031 йилгача узайтирилади ва Меньян гонорари Леау билан бир хил бўлади. Тез орада ҳаммаси узил-кесил ойдинлашади," - дея журналистнинг сўзларини келтиради pianetamilan.it.
Эслатиб ўтамиз, Меньян билан амалдаги шартнома 2026 йилнинг ёзида якунига етади. У 2021 йилдан бери "Милан"да ўйнаб келмоқда ва клуб билан биринчи мавсумдаёқ Италия чемпиони бўлган.
