Туриннинг "Ювентус" клуби шарафини ҳимоя қилаётган черногориялик футболчи Василий Ажич тез орада ижарага берилиши мумкин. Клубни Лучано Спаллетти қабул қилиб олганидан бери Ажич асосий таркибга киритилмай қўйди.
Энди "Ювентус" раҳбарияти уни ижарага бериш имкониятини кўриб чиқмоқда. Бу борада А Сериянинг бир неча клублари - "Кальяри", "Женоа", "Верона" ёки "Кремонезе" вариант сифатида тилга олинади. Тафсилотлар жорий ой давомида маълум бўлади.
Ҳозирда Турин клуби Италия А Серияси турнир жадвалида тўртинчи ўринни эгаллаб турибди. У охирги марта 2020 йилда мамлакат чемпиони бўлган.
