"Кристал Пэлас" бош мураббийи Оливер Гласнер қишки трансферлар даврида марказий ҳимоячи Марк Гехи сотилиши мумкинлиги ҳақида фикр билдирди.
"Бургутлар" сардорининг шартномаси мавсум тугагандан сўнг тугайди - агар у январь ойида сотилмаса, ёзда эркин агент сифатида кетади. 25 ёшли марказий ҳимоячини жароҳати туфайли ҳимояда кадрлар масаласида муаммоларга дуч келаётган "Манчестер Сити" ўз сафига қўшиб олмоқчи.
"Гехининг шартномаси ёзда тугайди. Агар кимдир уни олиб кетиш учун таклиф билан келса, клубимиз бу ҳолатда молиявий масала спорт масаласидан муҳимроқ деган қарорга келиши мумкин. Мен содда эмасман, шунинг учун агар "Манчестер Сити" фойдали таклиф билан чиқса ва Марк у ерга ўтишни истаса, бу содир бўлишини тушунаман," - дея Гласнернинг сўзларини келтиради City Report.
Transfermarkt портали Марк Гехининг нархини 55 млн еврога баҳоламоқда.
