Уле Гуннар Сульшер "Манчестер Юнайтед"га қайтишга тайёрланмоқда. Турли нуфузли манбаларнинг маълум қилишича, норвегиялик мутахассис яқинда клуб билан ўтказилган музокаралардан сўнг "қизил иблислар" бош мураббийи вазифасини бажарувчи этиб тайинланишга яқин турибди. Журналист Жейми Жексоннинг маълум қилишича, 52 ёшли мутахассиснинг амбициялари "вақтинчалик мураббий" роли билан чекланмайди: у жорий мавсумда ўзини кўрсатиб, жамоа билан муваффақиятга эришса, "МЮ"нинг доимий мураббийи бўлишга умид қилмоқда.
Эслатиб ўтамиз, Сульшер илгари бу ишни уддалаган: 2018 йил охирида у мураббий вазифасини бажарувчи бўлган, 2019 йил март ойида эса доимий мураббий мақомига тасдиқланган ва 2021 йил ноябрида ишдан бўшатилган.













