Лондоннинг "Арсенал" клуби бош мураббийи Микель Артета ярим ҳимоячи Деклан Райс даражаси ҳақида гапирди.
26 ёшли футболчи "Борнмут"га қарши кечган сўнгги ўйинда дубль қайд этиб, қаҳрамонга айланди. Учрашув 3:2 ҳисобида "канонирлар"нинг ғалабаси билан якунланди.
"Райс дунёдаги энг яхши ярим ҳимоячилар қаторидами? Мен учун - ҳа. Ўйинчиларимизни энг яхши деб биламан. Деклан баъзи жиҳатларда ўсишга қодир, аммо мен унинг чегарасини кўрмаяпман, чунки у доимий равишда такомиллашиб бормоқда," - деди Артета матбуот анжуманида.
